Los Palatins
Los Palatins (tanben aperats Los Ondrats) que son un ensemble d'instruments Stradivarius (tres vriulons, un vriulon alto e un violoncèl) qui son proprietat deu Patrimòni Nacionau d'Espanha. Que son ondrats d'un hialat particularament beròi qui'us da lo lor nom.
Lo palais que possedeish tanben un aute violoncèl stradivarius hèit a despart deus cinc ondrats (e, de segur ondrat d'un hialat mei classic).
Que son expausats au Palais Reiau de Madrid e, de quan en quan, jogats en concèrt.
Lo Princi d'Asturias (futur rei Carles IV d'Espanha) que'n he l'aquesida en 1775. Lo vriulon alto que ho panat deu temps de l'invasion de Napoleon peus francés au moment de la loa retirada d'Espanha. Que demorè perdut, abans d'estar arretrobat e crompat en Anglatèrra au sègle XX.
Accident en 2012
[modificar | Modificar lo còdi]Aquesta annada, lo servici espanhòu de conservacion que volèva organizar ua sceança de fotografia e he càder lo violoncèl qui's copè lo manjo. Que caló mèi d'un detzeat de milèrs d'euros entà financiar la restauracion encargada au laütièr Carlos Acieri. Aqueth manjo, qu'èra estat hornit en 1857 a l'escasença de la modernizacion deu violoncèl de son estat originau barròc a nivèu modèrne.
